News detail

News and Events Photo
የካ ክፍለ ከተማ ወረዳ 9 ህብረተሰብ ተሳትፎ በጎፍቃድ ማስተባበሪያ ጽፈት ቤት በኤካ ኮተቤ አጠቃላይ ሆስፒታል ለታካሚዎች ድጋፍ አደረጉ

የየካ ክፍለ ከተማ ወረዳ 9 የህብረተሰብ ተሳትፎ ማስተባበሪያ ጽ/ቤት አመራርና አባላት በኤካ ኮተቤ አጠቃላይ ሆስፒታል ጉብኝት አደረጉ ዓላማውም በሆስፒታሉ ለሚገኙ ታካሚዎች ድጋፍ በማድረግ፣ አብሮነትንና አጋርነትን ማሳየት እንደሆነ ተገልጿል።

የወረዳ 9 የህብረተሰብ ተሳትፎ በጎ ፍቃድ ጽ/ቤት ኃላፊ አቶ ዘመነ አስማረ እንደተናገሩት፣ ይህ ተግባር ለታካሚዎች ተስፋንና ድጋፍን ለመስጠት ያለመ እንደሆነና ከታካሚዎች ጎን በመሆን ተስፋን ለመስጠት ግብ ያደረገ መሆኑን ገልጸዋል። 

የሆስፒታሉ ዋና ሥራ አስኪያጅ ዶ/ር ሙሉቀን ተስፋዬ በበኩላቸው፣ ክፍለ ከተማው የበጎ ፍቃድ ማስተባበሪያ ባደረጉት ጉብኝት መደሰታቸውን ገልጸው፣ ሆስፒታሉ በማንኛውም ጊዜ የነሱን የበጎ ድጋፍ  በአብሮነት ለመስራት ዝግጁ መሆናቸውን አረጋግጠዋል።

በተጨማሪም ሆስፒታሉ ከየካ ክፍለ ከተማ እና ወረዳ አደረጃጀት እንዲሁም  ከማህበረሰብ ጋር በቅርበት መስራቱ መልካም ባህል እየሆነ መምጣቱን በመናገር የማህበረሰብ ተኮር ስራዎች ተጠናክረው እንደሚቀጥሉም ገልጸዋል ።

በመጨረሻም የበጎ ፈቃድ ተግባራት እንዲበረታቱ ጥሪ አቅርበዋል።

አዲስ አበባ:- መጋቢት 5/2017 ኤካ ኮተቤ አጠቃላይ ሆስፒታል ህዝብ ግንኙነት እና ኮሙኒኬሽን ስራ አስፈጻሚ

የላቀ አገልግሎት አርማችን!